Косовскиот премиер Албин Курти изјави во Глоговац дека против Србија се подготвува тужба за злосторства извршени за време на војната во Косово, пишува приштинскиот портал Reporteri.net.
– Во тек се подготовките да се обвини Србија како земја која е одговорна за злосторствата извршени за време на војната во Косово, за злосторства против човештвото и геноцид – рече Курти.
Тој го повика Државното обвинителство да вложи максимални напори осомничените за кривични дела, за кои има живи сведоци, да бидат кривично гонети и казнети.
– Без правда, само со вистината, раните остануваат отворени – рече Курти.
