Градоначалникот на Крива Паланка, Сашко Митовски за денес свика прес-конференција за да објасни за цијанидот кој вчера истекол во Крива Река.
Станува збор за истекување од рудникот „Торадница-булмак“, еден од најголемите рудници за олово и цинк.
„Ве покануваме на прес-конференција на градоначалникот на Општина Крива Паланка, Сашко Митовски по повод хаваријата т.е.инцидентот со излевање на опасна течност од рудникот “Тоарница-Булмак“ во водите на Крива Река, што се случи на 14 март и што предизвика големо заматување и загадување на водата, како и презентација на пристигнатите анализи од мострите земени од водите на Крива Река“, стои во соопштението на Крива Паланка.
Алармот се вклучил откако реката добила сива боја.
