Утрински Весник
Спорт

Килде со сензационална победа на елитниот спуст во Кицбил, емотивно збогување со Фојц

Килде со сензационална победа на елитниот спуст во Кицбил, емотивно збогување со Фојц

Норвешкиот скијaчки ас, Александер Омод Килде, 24 часа откако избегна страшен пад на Штрајф, стигна до фантастична победа на спустот во Кицбил, Австрија, докажувајќи уште еднаш дека е најдобриот брзински скијач на денешницата.

dobivaj vesti na viber

30-годишниот Килде, кому ова му е седма победа оваа сезона и вкупно 30-та во кариерата, во саботата го делеа милиметри од голема несреќа на истата патека, грешка која го чинеше победа и топ 10 пласман.

Но, во саботата, со стартен број 14, Килде беше импресивен, победувајќи го Французинот Јохан Кларе за 0.67 секунди, додека Американецот Тревис Генонг беше трет со 0.95 секунди. Топ 5 на спустот на кој имаше десетина илјади посетители (вклучувајќи го и Арнолд Шварценегер), го комплетираа Италијанецот Матија Касе (0.99) и вчерашниот победник, домашниот фаворит Винсент Крихмаер.

Килде останува убедлив лидер во дисциплината со 620 поени, пред Крихмаер со 464 и Швајцарецот Марко Одермат, кој не настапи поради повреда. Во трката за големиот глобус, Одермат има 1.186 поени, Килде е втор со 961.

Кицбил беше емотивна трка за поранешниот олимписки и светски шампион во дисциплината, Швајцарецот Беат Фојц, кој со стартен број 217 (по бројот на негови трки) ја заврши блескавата кариера со пласман на 16. место.

Можете да прочитате

Столе Димитриевски со „сува мрежа“, Рајо гледа и кон ЛШ

Сампдорија испушти победа што живот значи

Карлос Кеирош нов селектор на Катар