Утрински Весник
Македонија

Кичево прослави 10 години „албанско владеење“, власта се уште молчи

Кичево прослави 10 години „албанско владеење“, власта се уште молчи

Општина Кичево во организација на градоначалникот Фатмир Дехари вчера славеше 10 години од албанското владеење со општината под мотото „10 години гордост“. Целиот град е украсен само со албански знамиња, а од општината најавуваа концерти на неколку детски ансамбли, на Националниот албански ансамбл и историски час насловен како „Кичево под албанска власт“.

dobivaj vesti na viber

На „приватната журка на која Дехари промовира национализам и иредентизам“ реагираа од ОК на ВМРО-ДПМНЕ од Кичево.

„Што е гордо и достоинствено во неговото владеење? Дали дека направи пустош и егзодус? Дека се иселени многу граѓани, пред сè Албанци, дека се затворени многу фирми, а тој соработува само со неколку? Опустошена е чаршијата, владее корупција. Еманципираните и образовани Албанци не може да ги задржи со приватна журка и со илјадници албански знамиња. На што е горд Дехари“, прашуваат од ВМРО-ДПМНЕ.

Дехари како член на ДУИ е градоначалник на Кичево од 24 март 2013 година, а потоа победи и на локалните избори во 2017 и 2021 година.

На ваквата прослава власта не реагираше ни вчера ни денес.

Со реакција се јави Петар Богојески, претседателот на Македонски концепт кој директно ги повика премиерот Димитар Ковачевски и министерот Оливер Спасовски да реагираат на овој етнички шовинизам.

Можете да прочитате

Приведено и трето лице за убиството на докоторот пред поликлиниката во Железара

Тројца полициски службеници за несовесно работење во службата заработија кривични пријави 

Кривична пријава заработи лице кое заградило државно замјиште кај Бит Пазар и си наплаќал „арач“