Британското државно обвинителство (ЦПС) одобри седум дополнителни тужби против оскаровецот Кевин Спејси за голем број сексуални напади врз еден маж во периодот од 2001 до 2004 година, соопштено е во средата.
Новите обвиненија вклучуваат едно за наведување лице на сексуална активност без согласност, а другите за сексуален напад.
Ова следи по прегледот на доказите собрани од британската полиција.
Спејси (63) претходно беше обвинет за пет казниви дела во Британија – четири точки за сексуален напад со допирање и едно потешко обвинение за наведување лице да се вклучи во пенетративна сексуална активност без согласност.
Во САД, Спејси минатиот месец победи во случајот сексуална злоупотреба, откако поротниците во граѓанското судење на Менхетен открија дека неговиот тужител не го докажал своето тврдење дека Спејси се обидел сексуално да го искористи кога тој имал 14 години.