Утрински Весник
Македонија

Хаос во обложувалница во Аеродром: Тројца скопјани се степале, кршеле шишиња и чаши

Whatsapp image 2026 10 14 at 17.17.50.jpeg

Физичка пресметка меѓу тројца скопјани се случила во обложувалница на подрачјето на општина Аеродром, при што биле искршени стаклени шишиња и чаши.

Како што информира Министерството за внатрешни работи, инцидентот бил пријавен вчера во 21:15 часот во СВР Скопје.


Според полициските информации, на физичката пресметка ѝ претходела вербална расправија меѓу Б.Н. (44), С.Ј. (55) и А.Г. (41), сите жители на Скопје.

Расправијата прераснала во физичка пресметка, при што бил нарушен јавниот ред и мир, а во текот на инцидентот биле искршени стаклени шишиња и чаши.

Засега нема официјални информации дали некој од учесниците се здобил со повреди.

Од Министерството за внатрешни работи соопштуваат дека се преземаат мерки за целосно документирање на случајот, по што ќе следува соодветен поднесок против одговорните лица.

Можете да прочитате

“Транспарентност” по вмровски рецепт – ДПМНЕ предлага да платиш за да видиш кој го добил тендерот, Левица бара итно да се повлече предлог-законот

Претрес во валандовско, пронајдени ловечко оружје и муниција

Засилени акции против дрвокрадството: За еден месец запленети 734 кубни метри дрва и поднесени 147 пријави