Сè додека ЕУ не презема ефективни мерки, ние мора да дејствуваме самите, и затоа Австрија прави се за да се заштити и сака да преземе дополнителни мерки со Унгарија и Србија во борбата против илегалната миграција, најави претходно австрискиот канцелар Карл Нехамер на Самитот за илегална миграција во Будимпешта.
Нехамер во Будимпешта ќе се сретне со српскиот претседател Александар Вучиќ и со унгарскиот премиер Виктор Орбан, како што е најавено во Виена, поради зголемениот мигрантски бран преку балканската рута.
„Австрија во моментов е масовно погодена од илегалната миграција. Солидарниот придонес што го даваме во Европа е пропорционално голем“, нагласи австрискиот канцелар,пренесе Танјуг.