Чеченскиот лидер Рамзан Кадиров преку видеопорака повторно му се закани на Западот и порача дека Русија никогаш нема да дозволи да губи битки. Тој додаде дека секогаш постои можност да се притисне копчето и да се каже селам алејкум.
Видео од пораките на Кадиров беше споделено на „Твитер“ од Антон Герашченко, советник на украинскиот министер за внатрешни работи.
„Русија е голема и нуклеарна земја. Русија никогаш нема да дозволи да изгуби ниту една битка, можеме да притиснеме копче и тоа ќе биде селам алејкум за сите. Како што вели нашиот претседател, дали навистина ни треба свет без Русија? Зошто да им се дозволи на тие га.ови да живеат, а ние да не можеме да живееме? Нека нè снема сите, ние ќе одиме во рајот, а тие во пеколот“, рече Кадиров со насмевка на лицето.
“Russia will never allow itself to lose a battle. We will push the button and ‘Salam Aleykum’!” – Kadyrov tells cheerfully and adds that Russians will go to heaven, the rest of the world – to hell. pic.twitter.com/IpBRGwCk9p
— Anton Gerashchenko (@Gerashchenko_en) January 17, 2023