Иранскиот министер за надворешни работи, Абас Арагчи, во четвртокот оствари телефонски разговор со својот руски колега, Сергеј Лавров, во кој двајцата претставници разговараа за договорот за прекин на огнот меѓу Иран и САД и за моменталната состојба на Ормутскиот теснец.
Во разговорот, Арагчи „ја нагласи одговорноста на Соединетите Американски Држави да ја исполнат својата обврска за прекин на војната во сите области, вклучително и во Либан“, според соопштението од иранското Министерство за надворешни работи.
Арагчи рече дека безбедното минување низ Ормутскиот теснец ќе биде можно „под услов Соединетите Американски Држави да се придржуваат кон своите обврски“.
Арагчи му изрази благодарност на Лавров за ветото на Русија во Советот за безбедност на ОН за она што тој го нарече „неразумна и еднострана резолуција“ предложена од Соединетите Американски Држави за повторно отворање на теснецот.
