о обвини Вашингтон дека е директно одговорен за континуираниот конфликт на Блискиот Исток откако Иран и Израел разменија оган за прв пат по прекинот на огнот на 8 април, а проиранските Хути повторно го нападнаа Израел по неколку недели.
„Никој не верува дека ционистичкиот режим (Израел) би презел какви било чекори без претходна координација и соработка со Соединетите Американски Држави“, изјави портпаролот на иранското Министерство за надворешни работи, Есмаил Багеј, нагласувајќи ја „одговорноста на Соединетите Американски Држави“.
„Дејствата на ционистичкиот режим во регионот не можат да се одвојат од американската политика“, додаде тој на прес-конференција во Техеран, на која присуствуваше и АФП.
Американците се уверени дека ќе постигнат договор
Израел и Иран започнаа меѓусебни напади во понеделник откако Исламската Република истрела ракети на израелска територија, поткопувајќи го примирјето што е во сила и надежите на американскиот претседател Доналд Трамп за постигнување договор за завршување на војната на Блискиот Исток.
Проиранските Хути во Јемен објавија во понеделник дека лансирале неколку балистички ракети кон Израел, што претставува нивен прв напад врз земјата по неколку недели, јавува германската агенција ДПА. Израелската војска рано наутро во понеделник соопшти дека од Јемен кон Израел е лансирана балистичка ракета.
Портпаролот на војската на Хутите, Џаџа Сари, исто така најави „целосна блокада“ на бродовите во Црвеното Море што пловат кон Израел или имаат врски со Израел.
Исто така, по израелските напади врз Иран, проиранската милиција во Ирак, Катаиб Хезболах, се закани со свои напади врз американските бази во регионот.
Нова ескалација
Групата соопшти во текот на ноќта дека ќе изврши напади доколку САД се приклучат на израелската офанзива што започна како одговор на новите ирански напади врз Израел доцна во неделата.
Неколку моќни вооружени групи дејствуваат во Ирак и добиваат различна поддршка од соседниот Иран.
Од почетокот на американско-израелската војна против Иран во февруари, милициите ја презедоа одговорноста за стотици напади на Блискиот Исток, вклучувајќи напади врз американски објекти и цели поврзани со курдски групи.
Курдите претставуваат една од најважните опозициски групи во Иран, а некои од курдските групи се сојузници на САД.
Некои милиции во Ирак се согласија да го стават своето оружје под државна контрола по притисокот од Вашингтон.
Катаиб Хезболах, една од најмоќните проирански вооружени групи, и натаму е против таков потег.
