Командантите на воените операции на Индија и на Пакистан денеска ќе разговараат за следните чекори откако беше постигнато примирје на границата на двете нуклеарни сили.
По почетното прекршување на примирјето, индиската армија претходно соопшти дека синоќа немало никакви инциденти.
Примирјето во Кашмир пред два дена го најави американскиот претседател Доналд Трамп по четиридневните меѓусебни напади, дипломатија и притисок од Вашингтон.
Исламабад му се заблагодари на Вашингтон за олеснување на прекин ан огнот и ја поздрави понудата на Трамп за посредување во спорот со Индија за Кашмир. Но, Њу Делхи не го коментираше учеството на САД во примирјето. Индија тврди дека споровите со соседите треба директно да се решаваат, а не со посредство на трета страна.
