Нападот врз клубот „Цар Борис Трети“ во Охрид е чин на омраза, изјави копредседавачпот на мешовитата историска комисија Ангел Димитров утрово во Скопје.
Одговарајќи на новинарски прашања пред состанокот, Димитров рече дека инцидентите влијаат на билатералните односи, но не и на работата на Исторската комисија, бидејќи тие се држат до својот пристап за решавање на проблемите.
За денешната и утрешната средба во Скопје, Димитров нема големи очекувања.
„Ќе разговараме за тоа што разговаравме и минатиот и предминатиот пат, а тоа значи дека досега немало напредок“, рече Димитров.
Заедничката македонско-бугарска Комисија за историски прашања во август усвои препораки за измени во учебниците по историја, како и препораки за заедничко чествување на Св. Кирил и Методиј, Св. Климент, Св. Наум и Цар Самоил.
