Утрински Весник
Магазин

(Видео) „Нож во грб 2“ вреди да се истражи, велат од актерската екипа

(Видео) „Нож во грб 2“ вреди да се истражи, велат од актерската екипа

Продолжението на крими-драмата „Нож во грб“ од 2019 година, со оригинален наслов Glass Onion: A Knives Out Mystery, обединува нова актерска екипа во Грција за ново убиство и нов случај за детективот сезнајко Беноа Блан, (Даниел Крег).

dobivaj vesti na viber

Рајан Џонсон, кој ги режира двата филма, разоткри една од мистериите на серијалот кога објасни што всушност значи Glass Onion („Стаклен кромид“).

„Па, тоа е пред сè песна на ‘Битлси’, и тоа е песна за мистерија која всушност не е мистерија,“ рече Џонсон во интервју за „Ројтерс“.

Тој додаде: „Завршив работејќи на идејата за стаклениот кромид на ова нешто што изгледа густо слоевито, но во реалноста, тоа е прилично проѕирно. Ова е вид на метафора за која се фаќа Блан и ја претепува до смрт во текот на филмот. Така, тоа значи неколку работи“.

Актерската екипа ги вклучува и Едвард Нортон, Џенел Монае, Кејт Хадсон и Лесли Одом Џуниор. Облеката на секој лик алудира на нешто за нив за да ѝ помогне на публиката.

„Не можам да се сетам на друг филм во кој костимите имаа такво присуство“, рече Нортон. „Костимот го одредува ликот… Секое влегување предизвикува смеа“.

Љубителите на мистерии ќе најдат многу за да се забавуваат.

„Филмот е неверојатно великодушен со своите спојлери, со своите велигденски јајца, како и да сакате да ги наречете“, вели Даниел Крег, кој го глуми главниот лик.

Филмот ќе има ограничено кино-издание во САД и на други места во ноември и ќе биде достапен за стриминг на „Нетфликс во декември.

Можете да прочитате

Синот на Мајкл Даглас и Кетрин Зета Џонс тргна по стапките на славните родители

Пет здравствени придобивки од редовното консумирање тиквички

Зголемувањето на бројот на хибридни волци може да доведе до исчезнување на европскиот волк