Утрински Весник
Македонија

Идниот викенд Галичка свадба, ова се годинешните зет и невеста

Stefana Dimitrova Darijan Kocoski Galicka Svadba.png

Шеесет и првото издание на Галичка свадба ќе се одржи следниот викенд, од 12 до 14 јули.

Овогодишна невеста е Стефана Димитрова, со потекло од галичките фамилии Чаловски и Веноски, долгогодишна учесничка на галичка свадба, додека зетот е Даријан Кочоски.

-Нека се вечно среќни и бериќетни, да се ќердосает! Годинава на венчавка, в`година на крштевка! За многу години да им е љубовта и среќата, порачуваат галичани.

Во саботата вечерта почнуваат сите обичаи поврзани со Галичката свадба.

Врвот на бајракот се кити со цвеќе, а потоа се развива. Зетот го става на „перде“ од десната страна на куќата и се „фрла“ пушка.

Топаните потоа тргнуваат кон куќата на зетот, а тој со братот и побратимите ќе тргнат кон мостот каде ќе се сретнат. Со сито на глава и бокал во раце, со блиските роднини, сверквата води оро. Потоа ќе се изведат ората „Невестинско“ и „Тешкото“ кои се симбол на пркосот и непокорот.

Поворката од свадбари со борини и факели одат од куќата на зетот до куќата на невестата, а потоа заедно со неа одат на три чешми да наполнат вода.

Наредниот ден, денот на свадбата, продолжува со низа обичаи. Денот започнува со канење на мртвите, па кумот. Следува бричење на зетот, по што се тргнува по невестата. По завршените адети во домот на невестата, следува венчавање во црква.

Можете да прочитате

Штип вечерва е обвиен во чад поради шумски пожар, да се избегнува присуство на отворено

Муцунски: Ќе го истражиме работењето на дипломатите во изминатиот период и ќе воспоставиме мрежа на стручни дипломати кои се грижат за интересите на државата

Полициските хеликоптери  исфрлија над 120 тони вода врз пожари