Полицијата во Хрватска е во голема потера по мажот кој пукаше во луѓе со огнено оружје и уби едно лице, а рани неколкумина.
Неофицијално, повредени се осум лица, кои како што пишува „Вечерњи новости“ имаат прострелни рани на главата, стомакот, рацете и нозете.
Полицијата потврди дека пукањето се случило во населбата Канак, во Сисак, вечерва во 20 часот и дека едно лице е убиено, но официјално нема информација за бројот на повредни лица. Мотивите за злочинот засега не се познати.
Мажот запалил и три објекти, пред да се даде во бегство, а според информациите пожарите веќе се изгаснати.
Сисак во моментов е блокиран, а на терен се сите расположливи полициски сили, пишува „Индекс“.
Граѓаните ноќта ја поминуваат во страв и со звукот на сирените на полициските и возилата на итната помош.
