Утрински Весник
Магазин

Холивудските сценаристи го прекинаа штрајкот во пресрет на гласањето за конечен договор

Холивудските сценаристи го прекинаа штрајкот во пресрет на гласањето за конечен договор

Синдикатот на холивудските сценаристи соопшти дека неговите членови можат да се вратат на работа додека реши дали ќе прифати тригодишен договор кој вклучува зголемување на хонорарите, заштита во однос на употребата на вештачка интелигенција и, исплата на хонорари од прикажување серии и филмови на стриминг-платформите.

dobivaj vesti na viber

„Раководството на Здружението на сценаристи на Америка (WGA) во средата едногласно гласаше за прекин на штрајкот,“ се наведува во соопштението на здружението. Членовите, чија бројка изнесува околу11.500, имаат рок до 9 октомври да гласаат за предложениот договор.

Филмските и телевизиските писатели ја напуштија работата во мај, откако не успеаја да постигнат договор со големите студија, вклучувајќи „Волт Дизни“, „Ворнер Брос дискавери“ и „Нетфликс“.

Се чини дека сценаристите добија отстапки во сите сегменти, со покачувања на хонорарите во текот на тригодишниот прелиминарен договор, зголемени здравствени и пензиски придонеси и, заштитни мерки против вештачката интелигенција (AI).

Според рамковниот договор постигнат во неделата, вештачката интелигенција не може да се користи за поткопување на авторитетот на сценаристите. Сценаристите можат да изберат да користат вештачка интелигенција при изработка на сценариото, но компанијата не може да инсистира на користење на софтвер.

Можете да прочитате

По 27 години во Лас Вегас уапсен маж за убиството на раперот Тупак

Ед Ширан ќе објавува албум за секое годишно време

(Видео) Мик Џегер: Каталогот на бендот нема да им го оставам на децата, што ќе им се 500 милиони долари