Хауард Стерн ја прозва Опра Винфри дека често на социјалните мрежи ги покажува својот раскошен начин и богатството од 2,5 милијарди долари.
Во текот на неговата емисија The Howard Stern Show во понеделникот контроверзниот радиоводител зборуваше за тоа како Винфри, позната како медиумски могул, сака да се фали со својот раскошен живот и не се срами поради тоа.
„Премногу е чудно кога ја следите на ‘Инстаграм’“, му рече тој на ководителот Робин Квиверс пред да додаде: „Треба да бидете повеќе самосвесни и да знаете дека има луѓе што таму надвор се борат да преживеат“.
„Опра воопшто не се срами од своето богатство“, рече тој додавајќи дека кога ја следите познатата водителка на „Инстаграм“, ги гледате нејзините имоти, нејзините градини, луѓето што ѝ служат.
„Таа има слуги и луѓе што готват за неа. И тоа е проклето лудо.
Стерн продолжи со критиките додавајќи дека Опра знае како да биде богата и сака да го покажува тоа.
