Утрински Весник
Свет

Хамас предлага три фази за прекин на огнот во Појасот Газа

Египетските власти соопштија дека добиле одговорот на Хамас за рамковен договор за прекин на огнот во Појасот Газа и дека ќе разговараат за сите детали од предложената рамка со заинтересираните страни за да се постигне конечен договор што е можно поскоро.

Според египетски безбедносни извори Хамас покажал флексибилност во својот одговор, барајќи конкретна временска рамка за прекин на огнот по муслиманскиот празник Курбан Бајрам на почетокот на април.

– Египет ќе продолжи да вложи максимални напори за да постигне договор за прекин на огнот во Појасот Газа што е можно поскоро, изјави шефот на египетската државна информативна служба Диа Рашван.

Хамас предложи план во три фази за прекин на огнот во Појасот Газа односно размена на израелски заложници киднапирани на 7 октомври за палестински затвореници, обезбедување на обнова на Појасот Газа, обезбедување на целосно повлекување на израелските сили и размена на телата на загинатите.

Можете да прочитате

Лула да Силва не го менува ставот дека Израел извршил геноцид во Појасот Газа

Трамп: Поради обвиненијата против мене, имам поголема поддршка од Афроамериканците

(Видео) Бајден ја прекрсти вдовицата на Навални наместо Јулија ја нарече Јоланда !