Иако Манчестер сити славеше убедлива победа од 3:0 против Вест Хем во рамки на 17. коло од Премиер лигата, тренерот Хозеп Гвардиола не го криеше незадоволството од играта на својот тим.
– Начинот на кој игравме во нападот треба да се подобри. Во спротивно, нема да биде доволно за да останеме во конкуренција за титулата во март и април. Вест Хем е добар тим. Но, сакам да бидам искрен со себе. Им реков на играчите „Среќен Божиќ на сите, но нема да биде доволно ако не се подобриме. Бернардо Силва е мојата слабост. Тој е фантастичен, но денес требаше да игра подобро. Тој е мојата слабост, мојот фаворит, но денес не сум задоволен од него, рече шпанскиот тренер на прес-конференцијата.
Со овој триумф, Манчестер сити останува лидер на табелата во англиската Премиер лига, со вкупно 37 бодови освоени по 17 одиграни натпревари.
