Повторно е блокирана границата за сообраќај за влез и излез од Грција кон Македонија за сите возила. Границата е затворена за сообраќај од 18 часот и ќе биде се до 22 часот по локално време.
Според грчката новинска агенција АНА-МПА, за вечерва планирана е блокада и на граничниот премин Ники (Меџитлија) од 19 до 23 часот по локално време, а ќе се однесува само на товарните возила.
Блокади има и на другите гранични премини на Кипи кон Турција, каде што не е дозволен сообраќај на камиони, додека пак на Промахонас кон Бугарија, земјоделците попладнево ја затворија границата за товарни возила, на неодредено време, со што, според државната телевизија ЕРТ, и на грчка и на бугарска страна веќе има километарски колони од камиони.
Во текот на утрешниот ден, земјоделците ќе одржат нов состанок за да ги одредат нивните следни чекори.
