Привремениот премиер на Мали, Абдулаи Маига, во своето обраќање на 77. сесија на Генералното собрание на ОН во Њујорк, со жестоки и навредливи зборови ги критикуваше француските власти, пренесуваат медиумите.
„Властите во Франција се длабоко антифранцуски, затоа што ги негираат универзалните морални вредности и се откажаа од хуманистичкото наследство, наместо тоа воспоставија хунта“, рече меѓу другото Маига, а пренесува Радио Франс Интернационал.
Премиерот на Мали ја обвини Франција дека „поддржува и вооружува терористи“ и ги инструментализира човековите права.