Филипините се подготвуваат за уште еден потенцијално разорен тајфун, помалку од една недела откако претходниот уби најмалку 200 луѓе и остави зад себе широко распространети штети.
Се предвидува дека тајфунот Фунг-вонг, локално познат како Уван, ќе се зајакне до супертајфунска сила, со ветрови до 185 километри на час, пред да го погоди островот Лузон уште во недела навечер по локално време.
Филипинската метеоролошка служба Пагас предупреди дека бурата ќе донесе обилни дождови и опасни по живот бранови.
Училиштата се затворени, а летовите откажани
Неколку училишта ги откажаа часовите во понеделник или ги префрлија на интернет, додека „Филипн ерлајнс“ откажа бројни домашни летови.
Се очекува тајфунот Фунг-вонг да ослабне по приближувањето кон копното, но метеоролозите проценуваат дека ќе ја задржи силата на тајфунот додека се движи над Лузон.
Источните делови на Филипините веќе беа погодени од силни ветрови и дожд во саботата.
