Потпретседателот на Владата задолжен за политики за добро владеење, Арбен Фетаи, официјално поднесе оставка од својата функција во Владата предводена од премиерот Христијан Мицкоски.
Според информациите на телевизија Телма, оставката е доставена во текот на денешниот ден, а информацијата е потврдена и од владината прес-служба.
Портпаролката на Владата, Марија Митева, изјави дека оставката на Фетаи ќе биде констатирана на првата наредна владина седница.
Одлуката за повлекување доаѓа по период од повеќе од два и пол месеци во кој Фетаи не се појавувал на своето работно место, што во изминатиот период предизвика бројни прашања и интерес во јавноста околу неговиот статус во Владата.
Арбен Фетаи ја извршуваше функцијата заменик-претседател на Владата задолжен за политики за добро владеење, а засега не се соопштуваат дополнителни детали за причините поради кои се одлучил на овој чекор.
Се очекува Владата на една од следните седници формално да ја констатира неговата оставка, по што ќе бидат познати и натамошните чекори во однос на пополнување на испразнетата функција.
