Утрински Весник
Економија

ЕСМ ги повика потрошувачите да проверат дали објектите се подготвени за грејна сезона, а не кажува дали ќе ги намести цевките под Беласица

Мостот може и веднаш да биде вратен во употреба, Град Скопје се’ уште ја утврдува состојбата

ЕСМ ги повикува потрошувачите да ги завршат интервенциите на внатрешната грејна инсталација, да овозможат пристап на екипите на компанијата до топлинската станица и да обезбедат довод на електрична енергија во подстаницата со цел испораката на топлинска енергија во објектите кои се приклучени на системот за централно греење да се одвива непречено по почетокот на грејната сезона.

dobivaj vesti na viber

Согласно законските прописи, грејната сезона може да започне од 1ви октомври доколку прогнозираната средна надворешна температура за наредниот ден е еднаква или помала од 12 степени целзиусови според податоците од Управата за хидрометеоролошки работи.

„За да може грејната сезона во објектите кои се приклучени на системот за централно греење да стартува навремено и испораката на топлинска енергија да се одвива непречено, потребно е потрошувачите да ги завршат интервенциите на внатрешната инсталација и истото веднаш да го пријават во Центарот за грижа за потрошувачи на ЕСМ Снабдување. Истовремено Заедниците на сопственици или Управителите на објектите потребно е да овозможат непречен пристап на службените лица до топлинската станица како и да обезбедат постојано напојување на топлинската станица со електрична енергија (платени сметки за електрична енергија за топлинската станица и функционална електрична инсталација)“.

Компанијата се уште не кажува дали и кога ќе ги постави цевките на мостот Беласица, за кои нема дозвола од Град Скопје. Повеќепати кажаа дека се подготвени да го монтираат новиот цевковод, но градоначалничката Арсовска пак тврди дека нивна обврска е прво да го санираат мостот, па потоа да ги монтираат цевките. Таа се огради дека е надлежна за санација и најави дека ќе приложи писмен доказ дека ЕСМ се нафатиле на таа обврска.

Од ЕСМ трет ден нема реакција дали се точни информациите кои ги пласираше Арсовска.

Можете да прочитате

Рацин.мк: Парите за новиот ветерен парк на Мицкоски треба да се соберат во последниот квартал на 2025, а почетокот на работите се планира за 2026

Педесет и пет ветерници кои ќе произведуваат еден терават час електрична енергија и 630 нови вработувања, се дел од придобивките од новиот Ветерен парк

Официјално претставување на проектот за развој на парк на ветерници, вреден над 500 милиони долари