Утрински Весник
Свет

Ќерката на поранешниот претседател Рафсанџани е меѓу уапсените демонстранти во Иран

Ќерката на поранешниот претседател Рафсанџани е меѓу уапсените демонстранти во Иран

Не стивнуваат протестите за смртта на младата Иранка во Техеран, а меѓу стотиците уапсени граѓани е и Фаиза Рафсанџани, ќерката на починатиот ирански претседател Акбар Хашеми Рафсанџани.

dobivaj vesti na viber

Протестите почнаа по смртта на младата Иранка Махса Амини, која полицијата ја приведе поради нелегално носење хиџаб, по што почина во притвор.

Според полуофицијалната новинска агенција „Тасним“, Фаиза Рафсанџани во вторникот била приведена од членови на агенцијата за безбедност поради „поттикнување немири во источниот дел на Техеран“. Агенцијата тврди и дека овие „провокации“ не успеале да ги изнесат луѓето на улица.

Хашеми (59), познат активист за правата на жените, неколку пати бил мета на иранските безбедносни агенции поради наводни „антивладини“ активности, јавува „Анадолија“.

Во јули минатата година таа беше обвинета за „пропагандна активност против Исламската Република“ поради нејзините коментари за иранската Национална гарда.

Можете да прочитате

Во Белгија запленети 115 килограми кокаин, вреден над 11 милиони евра

Жените на протест во Либан: Бараат поголеми казни за насилство и малтретирање

Чеченците добија ново оружје. Кадиров: „Задоволство е да се пука од него“