Играчите на Филалделфија, Џоел Ембид и Џејмс Харден, Никола Јокиќ, Донован Мичел, Демијан Лилард и Домантас Сабонис ја обележаа изминататаноќ во НБА лигата.
Филалделфија, во натпревар со многу поени, ја победи Индијана 147:143. Ембид постигна 42 поени, а Харден забележа 14 поени, 20 асистенции и девет скока. Индијана ја предводеше Халибартон со 40 поени и 16 асистенции.
Демијан Лилард немаше одлична шутерска вечер (10/28) во победата на Портланд над Детроит со 110:104, но на крајот забележа трипл-дабл со 31 поен, 13 скока и 12 асистенции.
Кливленд по едно продолжение го совлада ослабениот Бостон со 118:114. Мичел кај Кливленд постигна 40 поени, додека на другата страна Џејлен Браун имаше 32 поени, 13 скока и девет асистенции.
Сакраменто победи против Њу Орлеанс 123:108 со трипл дабл на Сабонис, 19 поени и по 11 скока и асистенции.
Денвер Нагетс со пресврт запишаа победа над Торонто Репторс 118:113. Никола Јокиќ за 36 минути забележа 17 поени, 13 скока и девет асистенции.
