Утрински Весник
Свет

Eксплозии во Русија: Дронови ја нападнаа зградата на нафтовод во близина на границата со Белорусија

Eксплозии во Русија: Дронови ја нападнаа зградата на нафтовод во близина на границата со Белорусија

Во експлозија која беше предизвикана од напад на два дрона во руската област Псков во близина на границата со Белорусија, оштетена е административната зграда на нафтоводот, изјави денеска локалниот гувернер Михаил Ведерников.

dobivaj vesti na viber

Ведерников на „Телеграм“ напиша дека нема жртви во нападот.

Конечните заклучоци за нападот ќе бидат достапни откако истражната група ќе ги достави резултатите од истрагата, рече Ведерников, пренесе „ТАСС“.

Ведерников не ја обвини Украина за нападот, но Москва претходно го обвини Киев за слични инциденти, објави „Ројтерс“.

Инцидентот се случил во близина на селото Литвиново, на помалку од 10 километри од руската граница со Белорусија.

Украина јавно не призна дека извршила напади врз цели во Русија, но високи функционери во Киев повремено ги поздравуваат вестите за успешни напади со беспилотни летала на руска територија.

Од Украина денеска немаше коментари.

Можете да прочитате

Лавров: Русија ја повтори својата позиција за Украина во разговорот со Рубио

САД подготвуваат предлог-закон за санкции од 500 отсто за земји што купуваат руска енергија

САД воведуваат 35 отсто царини за Канада, Трамп најавува тарифи за повеќето трговски партнери