Утрински Весник
Свет

Експлозии во фабрика за оружје во Бугарија, тројца загинати

Експлозии во фабрика за оружје во Бугарија, тројца загинати

Две силни експлозии ја потресоа фабриката за оружје „Арсенал“ во Казанлак, јавија бугарските медиуми наведувајќи дека сè уште не е позната причината за несреќата. Во експлозиите загинаа најмалку три лица, а неколку други се повредени.

dobivaj vesti na viber

На местото на експлозијата веднаш биле испратени спасувачки екипи и брза помош.

Фабриката за оружје „Арсенал“ пред неколку месеци беше спомената во жестоката размена на обвинувања меѓу властите и опозицијата, која тврдеше дека автоматски пушки и муниција од Казанлак тајно се транспортираат во Украина.

Тогашната бугарска влада ги отфрли овие тврдења како неосновани.

Опозицијата го наведе Казанлак како една од точките каде што оружјето се товари на камиони, од каде што преку Полска се доставува до украинските вооружени сили.

Околу 5.000 луѓе се вработени во фабриката, која произведува бугарски верзии на „калашникови“, фрлачи на гранати, минофрлачи, противвоздушни пушки и разни видови муниција.

 

Можете да прочитате

Нетанјаху не прифатил предлогот од шефот на Мосад за договор во Газа

Руско МНР: СБ на ОН повеќе не може да ги користи старите шаблони за Северна Кореја, Кина нема да ги поддржи санкциите

Туск: Почна нова ера на војни во Европа