Најмалку едно лице загина, а пет се повредени во експлозија на бомба за време на церемонијата на доделување награди на новинари во авганистанскиот град Мазар е Шариф, изјави портпаролот на талибанската полиција.
Нападот бил извршен во 11 часот по локално време, кога на церемонијата се собрале новинарите, пренесе АП.
Бомбата експлодира два дена откако гувернерот на провинцијата Дауд Маумал и уште две лица беа убиени во бомбашки напад во Мазар е Шариф. Четири лица се ранети.
Засега не е познат идентитетот на лицето што загина денеска, а меѓу петтемина повредени има и новинари.
До сега никој не презел одговорност за нападот.
