Две деца биле пронајдени мртви во стан во Хокенхајм, Германија, на Велигден. Од германската полиција велат дека се работи за двајца браќа.
Момчињата биле на седум и девет години, соопштија од полицијата во Манхајм. Личност, која е во сродство на убиените деца, е уапсена поради сомнение дека го сторила делото.
„Поради ситуацијата во која беа пронајдени, полицијата претпостави дека се работи за кривично дело“, изјавил портпаролот на полицијата.
Инспекторите не соопштиле повеќе детали за причината за смртта. Според информациите, полицијата била алармирана за злосторството околу пладне.
Портпаролот на полицијата истакнал дека телото на момчето ќе биде испратено на обдукција. Не се дадени повеќе детали за децата.
