Вчера во периодот од 01.20 до 02.45 часот, полициски службеници од Оддлението за прекуграничен криминал, странци и реадмисија Тетово и Полициската станица за граничен надзор Попова Шапка при Регионалниот центар за гранични работи „Север“ извршиле контрола во угостителски објекти во гостиварските села Врапчиште и Неготино, сопственост на Ф.Б. и С.Т., извести МВР.
– При контролата, во објектите биле затекнати 16 странски државјанки (Албанија – 7, Косово – 3, Србија – 1 и Украина -5) кои престојувале спротивно на целта, односно го злоупотребиле туристичкиот престој, соопшти МВР.
Тие биле приведени во ОВР Гостивар и против нив се поднесени барања за поведување прекршочна постапка по Закон за странци, а од страна на судот им се изречени парични казни и прекршочни санкции.
