По четири дена откако Bin Bin постави електрични тротинети низ Скопје, три од нив се веќе украдени, според последните информации од МВР.
„Во СВР Скопје се пријавени 3 кражби на тротинети во сопственост на посочениот правен субјект. Се преземаат мерки за расчистување на овие настани“, се вели во соопштението на МВР.
На социјалните мрежи изминатите денови имаше реакции дека веќе голем дел од тротинетите се оштетени, но и критики на адреса на турската компанија „Bin Bin“ за интеракцијата со клиентите.
