Денвер Нагетс славеа победа во дуелот со Голден стејт Вориорс, Далас Маверикс победија на гостувањето кај Јута Џез, а ЛА Лејкерс доживеаја вистински дебакл во Сакраменто.
На три дена до официјалниот почеток на сезоната во НБА лигата, беа одиграни неколку интересни контролни натпревари.
Денвер Нагетс ги победија Голден стејт Вориорс со 119:112. Никола Јокиќ се врати во тимот, откако 10 дена отсуствуваше поради повреда на раката. Го предводеше тимот со 21 поен.
Кај Вориорс, прв пат по инцидентот на теренот беа Дрејмонд Грин и Џордан Пул. Двајцата функционираа беспрекорно како ништо да не се случило.
Далас Маверикс со 115:101 ја совладаа Јута Џез. Лука Дончиќ постигна 24 поени за Далас. Кај Јута се истакна Финецот, Лаури Марканен со 21 поен и 10 скока.
Сакраменто Кингс ги декласираа Лејекрси со 47 поени разлика. Натпреварот заврши со резултат 133:86.
Поради прблеми со струјата, додека се играа натпреварите не работеше официјалниот сајт на НБА, поради што нема подетална статистика од овие натпревари.
