Времето денеска, ќе биде променливо облачно со повремени врнежи од дожд, додека на планините ќе врне снег, со пообилни врнежи во западните делови.
Во Скопје, утрото носи најголема веројатност за слаб до умерен дожд, по што врнежите треба да стивнат и облачноста да почне да се раздвижува, со периоди на сонце во текот на денот. Температурата во градот се очекува да се движи околу 13 степени во најтоплиот дел од денот, а ноќе да се спушти околу 4 степени, со чувство на свежина поради влажноста и облачноста.
Во останатите региони, најизразена нестабилност се очекува на запад, каде врнежите, според најавите, ќе бидат поупорни. Во повисоките населени места, особено во планинските подрачја, можно е врнежите да бидат мешани, што може да донесе локално лизгави коловози во утринските часови и на превоите.
За викендов, сабота и недела не очекува стабилно и генерално суво време.
