Американскиот претседател Џо Бајден ќе се сретне денеска со украинскиот колега Володимир Зеленски на маргините на самитот Г7 во јапонскиот град Хирошима, објави Белата куќа.
Состанокот е закажан за 14.15 часот по локално време, по работните состаноци и трилатералниот состанок на лидерите на САД, Јапонија и на Јужна Кореја.
Бајден ќе одржи прес конференција по состанокот со украинскиот претседател, а потоа ќе се врати во САД, се наведува во неговиот распоред што го објави Белата куќа.
Повеќе детали за состанокот помеѓу Бајден и Зеленски не беа објавени.