Утрински Весник
Свет

Демократите во Конгресот бараат од Бајден да размисли за прекин на продажбата на оружје на Израел

1708691019 Bajden.jpg

Осумдесет и шест демократи во американскиот Конгрес побараа од претседателот Џо Бајден да размисли за прекин на продажбата на оружје на Израел доколку израелската влада не го промени начинот на кој ја води својата војна против палестинското движење Хамас.

Демократите изразија „сериозна загриженост за однесувањето на израелските власти за војната во Појасот Газа, особено за намерното спречување хуманитарна помош“, се вели во писмото од 86 членови на Конгресот до Белата куќа.

Израелските ограничувања за испорака на хуманитарна помош за Газа, која ја поддржува Вашингтон, „придонесуваат за хуманитарна катастрофа без преседан“, се додава во писмото.

Потписниците, меѓу кои има и членови на Претставничкиот дом, бараат од демократскиот претседател јасно да му стави до знаење на израелскиот премиер Бенјамин Нетанјаху дека секоја пречка за испорака на помош во Газа „ја загрозува помошта што САД ја испраќаат“.

Демократите додаваат дека помошта наменета за зајакнување на израелскиот противракетен штит „Железна купола“ треба да биде суспендирана.

Меѓу потписниците на писмото се и демократите од Комитетот за вооружени служби на Претставничкиот дом и Комитетот за надворешни работи на Претставничкиот дом.

Од почетокот на војната во Газа на 7 октомври, во екот на неговата претседателска кампања, Бајден беше критикуван за неговата безусловна поддршка за Израел.

Можете да прочитате

Подољак: Украина нема да ги прифати условите на Путин за почеток на мировните преговори

Европското фудбалско првенство во Германија многу малку ќе влијае на економскиот раст, велат економистите

Путин: Прекин на огнот и мировни преговори откако Украина ќе ги повлече војниците и ја прекине кандидатурата за НАТО