Утрински Весник
Македонија

Дел од улиците во Скопје денеска и утре ќе бидат затворени за сообраќај

Дел од улиците во Скопје денеска и утре ќе бидат затворени за сообраќај

Поради одржување на велосипедска трка и традиционалниот wizz air маратон, голем дел од улиците од Скопје, денеска и утре ќе бидат затворени за сообраќај.

dobivaj vesti na viber

Министерството за внатрешни работи ја информира јавноста дека денеска со почеток од 15.00 часот, поради одржување на велосипедска трка „Куп на град Скопје 2023“ ќе биде спроведен посебен сообраќаен режим на подрачјето на град Скопје.

Трасата на движење ќе започне на ул.„Димитрије Чуповски“ кај „Порта Македонија“, право по ул.„11 Октомври“ кон зградата на Собрание на Република Северна Македонија до крстосницата со ул.„Филип Втори Македонски“, па лево по ул.„Филип Втори Македонски“ до влезот на Градскиот трговски центар, потоа се поминува под Градскиот трговски центар и се доаѓа до „Порта Македонија“, каде се продолжува право по ул.„Димитрие Чуповски“ сѐ до крстосницата со ул.„Даме Груев“ кај ТЦ„Палома Бјанка“ и назад по ул.„Димитрие Чуповски“ сѐ до стартно/целната позиција.

Од тие причини Единицата за безбедност на патниот сообраќај ќе преземе мерки за посебен режим на сообраќајот, при што сообраќајот ќе се пренасочува кон околните сообраќајници. MВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива трката.

Повеќе информации за утрешниот сообраќаен режим, МВР ќе објави во текот на денешниот ден.

Можете да прочитате

„Ќе бидеш моја или ќе бидеш мртва“ – потресното сведоштво на Росица Коцева пред убиството

Демографската криза галопира: Годинава во основните училишта во државата има над 1.400 ученици помалку

Оставка во ССКМ поради сомнеж за злоупотреби – Мукаетова бара институциите да реагираат