Во полно кафуле вчера вечерта ладнокрво е убиен маж. Според неофицијалните информации се испукани осум куршуми, а во телото на убиениот завршиле четири, па и покрај напорот на лекарите во штипската болница, тој починал, пишува порталот ММС.
Храброста да се изврши убиство пред полно кафуле сведоци и пред безбедносните камери во објектот го наметнува пршањето-дали значи дека лицето, кое беше во бегство, а кое веќе е уапсено, е високо професионален убиец? Методи Хаџи Јанев, професор на Воената академија и на Правниот факултет во Штип смета дека не станува збор за високопрофесионален убиец, туку за убиство од бес.
-Според тоа што се гледа на снимката од убиството, не се работи за високо професионален убиец. По начинот на кој го вади оружјето и пука, по начинот на држење на телото, пукањето и покрај тоа што веројатно е свесен дека има камери, зборува дека е убиство направено од емоции, бес, објасни проесорот Хаџи Јанев за ММС.
