Многу внимание привлече денешната информација на ДУИ дека лидерот на партијата Али Ахмети утре во 11 часот ќе соопштел голема вест.
Оние со посвежа меморија паметат дека и во 2021, тогаш неколку месеци пред локалните избори, ДУИ на големо најавуваше важна, ексклузивна вест, а на крајот излезе лидерот на партијата, Али Ахмети, кој првпат јавно проговори македонски за да каже дека неговата партија станува „зелена“ партија.
Она што може да се очекува од утрешната прес-конференција на Ахмети, секако е промоција на кандидатот за претседател на ДУИ, кој најверојатно ќе биде кичевскиот градоначалник Фатмир Дехари.
