Центарот за управување со кризи (ЦУК) пренесе известување од Управата за хирометеоролошки работи (УХМР) во кое за утре се најавува променливо облачно, ветровито и нестабилно време со локален дожд и грмежи. Ќе дува засилен, наместа силен западен ветер со брзина од над 70 км/ч во форма на невреме.
Минималната температура ќе се движи од 12 до 20 степени, а максималната од 29 до 37 степени.
Во Скопје се очекува променливо облачно време со сончеви периоди. Во делови од котлината нестабилно со можност за краткотрајно невреме и засилен до силен југозападен ветер. Максималната температура ќе се искачи до 34 степени.
Во сабота се очекува повремен дожд во западните делови проследен со северен ветер. И во недела ќе дува северен ветер и ќе има опаѓање на температурите. Потоа следува период на стабилно време со благ пораст на дневната температура.
