Четворица автори чии дела има публикувано „Македоника литера“ се кандидати за Меморијалната награда „Астрид Линдгрен“ за 2025 година, која денеска ќе биде соопштена, информираа од оваа издавачка куќа.
Номинирани автори се: Ѓин Бо, и Хуанг Беиѓиа од Кина, Сања Пилиќ од Хрватска и Ана Хеглунд од Шведска, илустратор и писател.
Меморијалната награда „Астрид Линдгрен“ е најголемата светска награда за литература за деца и млади (заедно со наградата „Ханс Кристијан Андерсен“). Создадена е во 2002 година од шведската влада за да го промовира правото на секое дете на големи приказни.
„Македоника литера“ од овие автори ги објави следните книги: Ѓин Бо: „Мирисливата птица“ (од серијата „Најдобрата кинеска литература за деца“), Хуанг Беиѓиа: „Бадникова вечер“ (од серијата „Најдобрата кинеска литература за деца“), Сања Пилиќ: „Баш сум хепи!“ и Улф Старг, Ана Хеглинд: „Умееш ли да свиркаш, Јохана?“.
