Татјана Чакулев од „О2 Иницијатива“ вечерва во подкастот Зрак со д-р Марина зборуваше за важноста на сите поединци во борбата против аерозагадувањето.
Таа смета дека Скопје не треба да се потпира само на конвенционалните методи, туку дека во борбата против загадувањето треба да се употребат и иновативни решенија.
„Скопје, сега сме каде што сме, со изграденост, со затнат провев, а сме во котлина и не можеме да се вратиме назад и да почнеме од почеток. Тука сметам дека е потребно да се стимулираат иновативни методи. Во светот постојат начини како вие на вештачки начин да предизвикате провев и ние на вештачки начин да направиме ветер кое го дува тоа загадување. На крајот и тоа е решение, не е идеално, ама е решение. Не треба да се потпираме само на конвенционалните методи, туку буквално се што може да се примени, да го примени тука, да не чекаме да поминат 50 години“ кажа Чакулева.
