Шпаркасе Банка АД Скопје, како општествено одговорна компанија што има за цел да го намали негативното влијание врз животната средина, во 2022 година реализираше значајни проекти што позитивно влијаеја врз средината, како и подигнување на свесноста кон значењето за заштеда на електрична енергија. Па, така, по инсталацијата на фотоволтаични системи на Централната зграда на Шпаркасе Банка во Скопје, следуваше реализација на оваа инвестиција и во Централната зграда во Охрид.
Инсталираните системи во Централната зграда во Охрид се проектирани и димензионирани за производство на електрична енергија преку сончев извор со капацитет до 40 kWh за целиот објект. Годишното производство на електрична енергија добиена од обновливи извори е планирано на 50.000 kWh, а енергијата добиена од фотоволтаичните системи ќе ги задоволи годишните потреби за 10% до 15% електрична енергија во објектот на Шпаркасе Банка.
Добиената енергија од фотоволтаичните системи, директно влијае врз заштита на животната средина преку намалување на емисијата на CO2 за приближно 3.537 кг во периодот од октомври 2022 до февруари 2023 година еквивалентно на:
· Приближно 14.195 км изминати со автомобил
· Приближно 91 посадено дрво
· Приближно 88 км изминати со авион
Шпаркасе Банка АД Скопје во својата стратегија на работење, особено внимание посветува на рационално користење на електричната енергија и управувањето со животната средина. За таа цел во континуитет се работи на воспоставување енергетско ефикасни решенија како и на пристап за подобро разбирање и подобрување на одржливоста на објектите на Шпаркасе Банка АД Скопје и сопствено користење на енергијата, а со тоа и влијанието врз животната средина.
Шпаркасе Банка е членка на групацијата Ерсте и Штаермеркише Шпаркасе, која е една од водечките групации во областа на финансиски услуги во Средна и Источна Европа, а за нејзината стабилност и традиција зборува фактот за непрекинато работење од близу 200 години. Групацијата опслужува повеќе од 17 милиони клиенти преку 3.200 експозитури. Во Македонија, групацијата е застапена со Шпаркасе Банка и Шпаркасе Лизинг и опслужува повеќе од 120.000 клиенти во 35 експозитури.
ПР
