Автомото сојузот на Македонија попладнево информира за ненадеен прекин на сообраќајот на регионалниот патен правец 1304, кој ги поврзува Виница и Берово.
Според официјалните информации, од 14:52 часот патот е целосно затворен во двата правци. Причината за блокадата е протест на група граѓани.
Жителите на село Блатец го блокираа регионалниот пат Виница – Берово, како револт против најавите за изградба на хидроцентрала на реката Блатешница.
