Царинските службеници на главниот париски аеродром заплениле стотици черепи од заштитени видови мајмуни, кои требало да се користат како награди или подароци.
Тие черепи и черепите од другите животни главно биле во пакети кои пристигнале од Камерун, соопшти вчера царината на аеродромот „Шарл де Гол“.
Примателите требало да бидат колекционери и ловечки клубови во САД. Некои од пакетите содржеле цели животни.
Ниту една од пратките немаше потребна дозвола, а цариниците речиси секој ден откриваа такви пратки на најголемиот аеродром во Франција.
Освен мајмуни, шверцувани се и други видови како видри, големи мачки, мајмуни и птици грабливки, соопштија цариниците.
Повеќе од 700 черепи од мајмуни и животни биле запленети меѓу мај и декември 2022 година, царината во четвртокот му ги предаде на Природонаучниот музеј во Екс-ан-Прованс, кој има намера да ги истражи и изложи.
„Згрозен сум кога мислам дека нашите најблиски роднини, големите мајмуни, се десеткувани, а на дождовните шуми им се одзема загрозената биолошка разновидност поради нешто што е и глупаво и скандалозно“, рече експертката за мајмуни во музејот, Сабрина Криф.
