Бројот на потврдени случаи на инфекција со вирусот ебола во Демократска Република Конго надмина 7.000, а вирусот се прошири и во друга провинција, според владини податоци.
Епидемијата предизвикана од сојот на вирусот Бундибугио стана најголемата и најсмртоносната во историјата на земјата, надминувајќи ја епидемијата од 2018-2020 година. Само епидемијата од 2014-2016 година во Западна Африка, во која беа инфицирани 28.600 и убиени повеќе од 11.000 луѓе низ Гвинеја, Либерија и Сиера Леоне, беше полоша.
Најновите владини податоци покажаа дека бројот на смртни случаи се искачи на 3.398, а бројот на потврдени случаи на 7.022 во седум провинции. Вчера официјални лица изјавија за Ројтерс дека случај на инфекција со ебола е регистриран во провинцијата Суд-Убанги на северозападниот дел од земјата, далеку од центарот на епидемијата.
Според Светската здравствена организација, недостатокот на обучен персонал, теренски партнери и финансиски ресурси ги забавува напорите за сопирање на епидемијата.
