Утрински Весник
Свет

Британците веројатно ќе мора да работат до 71 година

Возраста за пензионирање во Велика Британија ќе мора да се зголеми на 71 година до 2050 година за да се одржи рамнотежа во пензискиот систем на земјата, објави британскиот огранок на Меѓународниот центар за долговечност (ILCUK).

Повеќето земји кои добро се справуваат со Индексот за здраво стареење на истражувачкиот центар, како Велика Британија, „имаат брзо стареење на населението“, што значи дека процентот на работоспособни луѓе во општеството се намалува.

Во Британија старосната граница за пензионирање ќе се зголеми на 70 или 71 година, во споредба со сегашните 66, за да се задржи сегашниот сооднос на бројот на вработени и пензионери, заклучува ILCUK во своето истражување.

Велика Британија плаќа државна пензија која моментално во просек изнесува 238 евра неделно, а повеќето британски пензионери добиваат и приватна пензија.

Британците сега се пензионираат на 66 години, но веќе е поставено зголемување на 67 меѓу 2026 и 2028 година и на 68 од 2044 година.

Од минатата година во Франција ќе се заминува во пензија на 64 години, додека пред спроведувањето на пензиската реформа границата беше 62 години.

Иако продолжувањето на работниот век е едно решение, истражувањата покажуваат дека на 70-годишна возраст само 50 отсто од луѓето се способни за работа, се вели во извештајот на ILCUK.

Затоа организацијата ја повикува владата на Велика Британија да се фокусира на спречување на здравствените проблеми, не само кај постарите, туку и кај оние на работоспособна возраст.

Можете да прочитате

Шпанската полиција разби мрежа која илегално извезувала одбранбени материјал во Саудиска Арабија

Галант против ослободување од воена служба на ултраортодоксните Евреи: Тоа е најважно прашање на националната безбедност

Стано: Со заканите со нуклеарно оружје Путин се обидува да ја префрли одговорноста за војната