Утрински Весник
Свет

Блинкен во Етиопија најави хуманитарна помош од 331 милион долари

Блинкен: Бевме во контакт со Русија поради заканите со нуклеарно оружје

Американскиот државен секретар Ентони Блинкен и етиопскиот премиер Абиј Ахмед денеска разговараа за напорите за одржување на мирот во регионот Тигре.

dobivaj vesti na viber

Блинкен го посети складиштето за логистика на Обединетите нации каде што најави нова хуманитарна помош од 331 милион долари за Етиопија, велејќи дека ќе обезбеди спасувачка поддршка за луѓето раселени и погодени од конфликти, суша и несигурност во храната.

За време на двоиполчасовната средба во главниот град на Етиопија, Адис Абеба, Блинкен и Абиј разговараа и за важноста од утврдување одговорност за злосторствата извршени од сите страни за време на војната, рече портпаролот Нед Прајс.

Етиопската влада и силите од Тигра, регион на северот на земјата, потпишаа мировен договор минатиот ноември, ставајќи крај на двегодишниот конфликт во кој загинаа десетици илјади луѓе, а милиони беа раселени.

– Секретарот ја повтори американската поддршка за напорите на страните да постигнат целосна имплементација на договорот со цел да се постават темелите за одржлив мир – рече Прајс.

Тој нагласи дека средбата претставува реафирмација на важното партнерство меѓу САД и Етиопија, повторувајќи ја изјавата на Абиј по завршувањето на состанокот.

Можете да прочитате

Шпанската крајбрежна стража спаси 124 мигранти во близина на Канарските острови

ОН: Над 1.500 луѓе веќе се убиени во насилствата на бандите на Хаити оваа година

Ќе расте цената на лукот