Утрински Весник
Свет

Бискуп, добитник на Нобелова награда за мир, обвинет за педофилија

Бискуп, добитник на Нобелова награда за мир, обвинет за педофилија

Ватикан денеска потврди дека бискупот Карлос Хименез Бело, добитник на Нобеловата награда за мир, е под дисциплински санкции во последните две години поради наводно сексуално малтретирање момчиња во Источен Тимор во 90-тите.

dobivaj vesti na viber

Портпаролот на Ватикан во соопштение наведе дека канцеларијата, која се занимава со случаи на сексуална злоупотреба, добила обвинувања за однесувањето на бискупот во 2019 година и дека вовела санкции во рок од една година, пренесува „Бета“.

Санкциите вклучуваат ограничувања на движењето и извршување на должностите, а му се забранува контакт со малолетници или контакт со Источен Тимор.

Во соопштението за печатот на портпаролот на Матео Бруни се наведува дека мерките биле изменети и зајакнати во ноември 2021 година и дека Бело формално ја прифатил казната во двата наврата.

Бело ја доби Нобеловата награда за мир во 1996 година заедно со борецот за независност на Источен Тимор, Хозе Рамос-Хорта, за кампања за праведно и мирно решавање на конфликтот во таа земја додека се бореше да добие независност од Индонезија, пренесе „Политика.рс“.

Можете да прочитате

Во Белгија запленети 115 килограми кокаин, вреден над 11 милиони евра

Жените на протест во Либан: Бараат поголеми казни за насилство и малтретирање

Чеченците добија ново оружје. Кадиров: „Задоволство е да се пука од него“