Џуд Белингем, ќе ги пропушти квалификациските натпревари на англискиот национален тим за ЕП 2024 против Малта и Македонија поради повреда на тетивата.
Белингем ќе му се приклучи на националниот тим, но тој период ќе го помине на рехабилитација во националниот фудбалски центар на Англија.
Поради повредата на тетивата, Белингем не играше за Борусија Дортмунд во последното коло против Мајнц, во Бундес лигата, кога „милионерите“ на сензационален начин останаа без шампионската титула.
Младиот Англичанец минатата недела постигна договор со Реал Мадрид, а по лекарските прегледи ќе потпише договор вреден 103 милиони евра плус 31 милион евра бонуси.
Белингем постигна еден гол на 24 натпревари за Англија.
